අගෝස්තු 21 වන බ්‍රහස්පතින්දා බ්‍රිතාන්‍යයේ කාඩිෆ් නුවර දී ශ්‍රී ලාංකික කාන්තාවක් වන නිරෝධා නිවුන්හැල්ල (32) ඝාතනයට ලක් වී තිබූ අතර, ඇය සිය සැමියා විසින් ඝාතනය කරනු ලැබූ බවට චෝදනා එල්ල වී ඇත. සිද්ධියෙන් පසු වහාම 37 හැවිරිදි තිසර වේරගලගේ නම් සැමියා මිනීමැරුම් චෝදනා යටතේ අත්අඩංගුවට ගැනීමට බ්‍රිතාන්‍ය පොලිසිය සමත් වී තිබේ.
බ්‍රිතාන්‍ය වේලාවෙන් රාත්‍රී 7:37ට පමණ දකුණු වේල්සයේ පොලිසියට ලැබුණු තොරතුරකට අනුව, රිවර්සයිඩ්හි සවුත් මෝගන් පෙදෙසේ බරපතල තුවාල ලද කාන්තාවක් සිටින බව දැනුම් දී තිබිණි. ස්ථානයට පැමිණි පරිපූරක වෛද්‍ය සේවකයින් විසින් මෙම කාන්තාව එම ස්ථානයේදීම මිය ගොස් ඇති බව තහවුරු කර ඇත.
දකුණු වේල්සයේ පොලිසිය පවසන පරිදි ඝාතනයට ලක්වූ නිරෝධා නිවුන්හැල්ල හා සැකකරු එකිනෙකා හඳුනන බවත්, ඔහු ඉකුත් සෙනසුරාදා මහේස්ත්‍රාත් අධිකරණය වෙත ඉදිරිපත් කිරීමට නියමිතව තිබූ බවත් සඳහන් කර ඇත.
පොලිසිය වැඩිදුරටත් සඳහන් කරන්නේ ඝාතනය සිදුවූ දින උදෑසන 7:30ත් 8:30ත් අතර දකුණු මෝගන් පෙදෙස හෝ සීවෝල් පාර අසල නවතා තිබුණු අළු පැහැති ෆෝඩ් ෆියෙස්ටා රථයක් සම්බන්ධයෙන් ද විමර්ශන කටයුතු සිදු කරමින් පවතින බවයි.
ඝාතනයට ලක්වූ නිරෝධා නිවුන්හැල්ලගේ වේයන්ගොඩ පිහිටි නිවස සොයා ගොස් බීබීසී සිංහල නාලිකාව ඇයගේ මව සමඟ සම්මුඛ සාකච්ඡාවක් පවත්වා තිබේ.
"එදා එයා කතා කළේ නැහැ. ඊට පස්සේ මම මැසේජස් දැම්මා දැම්මා. 21 වෙනි දා. පස්සේ තමයි මහත්තයා දුවගෙන ආවේ හවස. මම කිව්වා, 'උදේ ඉඳලා ළමයා කතා කළේ නැහැ,' 12.30ට වගේ නේ කතා කරන්නේ. [ඒක] කිව්වා ම එයාට එක පාරට ඇඬුණා," නිරෝධාගේ මව සිදුවීම සිහිපත් කරමින් බීබීසී සිංහල වෙත පැවසුවාය.
ඇය තවදුරටත් පවසන පරිදි නිරෝධා ඝාතනය කිරීම සම්බන්ධයෙන් සැකපිට අත්අඩංගුවට ගත් තිසර වේරගලගේ සමඟ නිරෝධා විවාහ වී ඇත්තේ 2017 වසරේදී ය. ඔවුන් දෙදෙනා 2022 වසරේදී බ්‍රිතාන්‍යය බලා ගොස් ඇති අතර තිසර ශිෂ්‍යයකු ලෙස බ්‍රිතාන්‍යයට ගොස් ඇති අතර නිරෝධා ඔහුගේ යැපෙන්නා ලෙස ඒ සමඟ ගොස් ඇත.
නිරෝධා නිවුන්හැල්ල අනුරාධපුර ස්වර්ණපාලි බාලිකා විද්‍යාලයේ අධ්‍යාපනය හදාරා පසුව උසස් පෙළ අධ්‍යාපනය සඳහා ගම්පහ රත්නාවලී බාලිකා විද්‍යාලයට ඇතුළත් වී තිබේ. ඇයගේ මව පවසන පරිදි, ඔවුන් මුලින් අනුරාධපුරයේ ජීවත් වී පසුව 2010 වසරේදී වේයන්ගොඩට පැමිණ ඇත.
නිරෝධා, නිවුන්හැල්ල පවුලේ එකම දරුවා වන අතර, ඇය ඝාතනය වී ඇත්තේ උදෑසන රැකියාව සඳහා පිටත්ව යන අතරතුරය. ඇය සෑම දිනකම උදෑසන හත හමාරට පමණ නිවසින් පිටත්ව යාමට පුරුදුව සිටි අතර, සෑම දිනකම සිය මවට දුරකතනයෙන් ඇමතීමට පුරුදුව සිටියාය.
"එක ම දරුවා පවුලේ. එයා ගොඩක් ලස්සන ගෑනු ළමයෙක්. යාළුවෝ තමයි කතා කරලා කිව්වේ මෙහෙමයි කියලා. එයා උදේ වැඩට යන වෙලාව තමයි ඒ. හත හමාරට තමයි ගෙදරින් එළියට බහින්නේ. එයා හරි වෙලාවට, පිළිවෙළට වැඩ කරන කෙනෙක්. ඒ යන අතරතුරදී තමයි මොකක් හරි වෙලා ඇත්තේ," නිරෝධාගේ මව බීබීසී සිංහල වෙත පැවසුවාය.
කෙසේ වෙතත්, තම දුවට සිදුවූ අනතුර තවමත් "අභිරහසක්" බව ඇය වැඩිදුරටත් පැවසූ අතර, "අපිත් හදන්නේ අගක් මුලක් හොයා ගන්න," යනුවෙන් ද පැවසුවාය.
නිරෝධාගේ දේහය පිළිබඳ අවසන් කටයුතු බ්‍රිතාන්‍යයේදී සිදු කිරීමට නියමිත බව වාර්තා වේ.
මෙම ඝාතනය සම්බන්ධයෙන් දකුණු වේල්සයේ පොලිසියේ ප්‍රධාන විමර්ශන නිලධාරී මැතිව් ඩේවිස් ප්‍රකාශ කර ඇත්තේ, නිරෝධාගේ පවුලේ සාමාජිකයින්, මිතුරන් සහ ආදරණීයයන් වෙත තම "හද පිරි ශෝකය" ප්‍රකාශ කරන බවයි.
නිරෝධාගේ කුඩා කල සිට මිතුරියක වන ශෂිනි හේරත් සිය ෆේස්බුක් ගිණුමේ සටහනක් තබමින් ඇයගේ හදිසි අභාවය සම්බන්ධයෙන් දැඩි ශෝකය පළ කර ඇත.
"නිරෝධා... මගේ 2 ශ්‍රේණියේ ඉඳන් හිටපු හොඳ ම යාළුවා. අවුරුදු 16කට පස්සේ,
මම සති දෙකකට කලින් ඇයව ආයෙත් බලන්න සැතපුම් 1,000කට වඩා ගමන් කළා. අපි හිනා වුණා, පැය ගණන් කතා කළා, අපේ මතකයන් බෙදා ගත්තා, අපි එකට ඉගෙන ගත්ත හැටි, සෙල්ලම් කළ හැටි, හිනා වුණ හැටි, සහෝදරියන් වගේ රණ්ඩු වුණ හැටි. මට දැනුණේ කිසි ම දෙයක් වෙනස් වෙලා නැති බවක්."
"ඒක අපේ අන්තිම හමුවීම වෙයි කියලා මම කවදාවත් හිතුවේ නැහැ." යැයි ශෂිනි සිය සටහනේ සඳහන් කර ඇත.
ඇය තවදුරටත් සඳහන් කර ඇත්තේ "මේ ආකාරයෙන් ඇයව අහිමි වීමේ වේදනාව මට වචනවලින් විස්තර කළ නොහැකි දෙයක්. ජීවිතය දරාගත නොහැකි තරම් කුරිරු විය හැකි යි," යනුවෙනි.
"මගේ ආදරණීය නිරෝධා, සාමදානයෙන් සැතපෙන්න. මගේ ජීවිතයේ මෙතරම් සුන්දර කොටසක් වීම ගැන ඔබට ස්තූතියි. මම ඔබව සදහට ම මගේ හදවතේ තබා ගන්නම්," ඇය සිය ෆේස්බුක් සටහන අවසන් කර ඇත.
තවත් මිතුරෙකු වන දිනිඳු රොෂාන් මදුරංග ද සිය ෆේස්බුක් ගිණුමේ සටහනක් තබමින් ප්‍රකාශ කර ඇත්තේ නිරෝධා තමාට "සෑම විට ම පාහේ අවශ්‍ය වූ පන්නරය ලබා දුන් පුද්ගලයා" බවයි.
මේ අතර තවත් බොහෝ දෙනෙකු නිරෝධාගේ අකල් මරණය පිළිබඳව කම්පා වෙමින් සමාජ මාධ්‍ය ඔස්සේ සිය ශෝකය පළ කර ඇත.
දකුණු වේල්සයේ පොලිසිය මෙම ඝාතනය සම්බන්ධයෙන් තවදුරටත් විමර්ශන කටයුතු සිදු කරමින් සිටින අතර, මෙම සිදුවීම පිළිබඳ නව තොරතුරු ලැබෙන පරිදි වැඩිදුර විස්තර එළිදක්වනු ඇත.
නිරෝධා, නිවුන්හැල්ල පවුලේ එකම දරුවා වන අතර, ඇය ඝාතනය වී ඇත්තේ උදෑසන රැකියාව සඳහා පිටත්ව යන අතරතුරය. ඇය සෑම දිනකම උදෑසන හත හමාරට පමණ නිවසින් පිටත්ව යාමට පුරුදුව සිටි අතර, සෑම දිනකම සිය මවට දුරකතනයෙන් ඇමතීමට පුරුදුව සිටියාය.
"එක ම දරුවා පවුලේ. එයා ගොඩක් ලස්සන ගෑනු ළමයෙක්. යාළුවෝ තමයි කතා කරලා කිව්වේ මෙහෙමයි කියලා. එයා උදේ වැඩට යන වෙලාව තමයි ඒ. හත හමාරට තමයි ගෙදරින් එළියට බහින්නේ. එයා හරි වෙලාවට, පිළිවෙළට වැඩ කරන කෙනෙක්. ඒ යන අතරතුරදී තමයි මොකක් හරි වෙලා ඇත්තේ," නිරෝධාගේ මව බීබීසී සිංහල වෙත පැවසුවාය.
කෙසේ වෙතත්, තම දුවට සිදුවූ අනතුර තවමත් "අභිරහසක්" බව ඇය වැඩිදුරටත් පැවසූ අතර, "අපිත් හදන්නේ අගක් මුලක් හොයා ගන්න," යනුවෙන් ද පැවසුවාය.
නිරෝධාගේ දේහය පිළිබඳ අවසන් කටයුතු බ්‍රිතාන්‍යයේදී සිදු කිරීමට නියමිත බව වාර්තා වේ.
මෙම ඝාතනය සම්බන්ධයෙන් දකුණු වේල්සයේ පොලිසියේ ප්‍රධාන විමර්ශන නිලධාරී මැතිව් ඩේවිස් ප්‍රකාශ කර ඇත්තේ, නිරෝධාගේ පවුලේ සාමාජිකයින්, මිතුරන් සහ ආදරණීයයන් වෙත තම "හද පිරි ශෝකය" ප්‍රකාශ කරන බවයි.
නිරෝධාගේ කුඩා කල සිට මිතුරියක වන ශෂිනි හේරත් සිය ෆේස්බුක් ගිණුමේ සටහනක් තබමින් ඇයගේ හදිසි අභාවය සම්බන්ධයෙන් දැඩි ශෝකය පළ කර ඇත.
"නිරෝධා... මගේ 2 ශ්‍රේණියේ ඉඳන් හිටපු හොඳ ම යාළුවා. අවුරුදු 16කට පස්සේ,
මම සති දෙකකට කලින් ඇයව ආයෙත් බලන්න සැතපුම් 1,000කට වඩා ගමන් කළා. අපි හිනා වුණා, පැය ගණන් කතා කළා, අපේ මතකයන් බෙදා ගත්තා, අපි එකට ඉගෙන ගත්ත හැටි, සෙල්ලම් කළ හැටි, හිනා වුණ හැටි, සහෝදරියන් වගේ රණ්ඩු වුණ හැටි. මට දැනුණේ කිසි ම දෙයක් වෙනස් වෙලා නැති බවක්."
"ඒක අපේ අන්තිම හමුවීම වෙයි කියලා මම කවදාවත් හිතුවේ නැහැ." යැයි ශෂිනි සිය සටහනේ සඳහන් කර ඇත.
ඇය තවදුරටත් සඳහන් කර ඇත්තේ "මේ ආකාරයෙන් ඇයව අහිමි වීමේ වේදනාව මට වචනවලින් විස්තර කළ නොහැකි දෙයක්. ජීවිතය දරාගත නොහැකි තරම් කුරිරු විය හැකි යි," යනුවෙනි.
"මගේ ආදරණීය නිරෝධා, සාමදානයෙන් සැතපෙන්න. මගේ ජීවිතයේ මෙතරම් සුන්දර කොටසක් වීම ගැන ඔබට ස්තූතියි. මම ඔබව සදහට ම මගේ හදවතේ තබා ගන්නම්," ඇය සිය ෆේස්බුක් සටහන අවසන් කර ඇත.
තවත් මිතුරෙකු වන දිනිඳු රොෂාන් මදුරංග ද සිය ෆේස්බුක් ගිණුමේ සටහනක් තබමින් ප්‍රකාශ කර ඇත්තේ නිරෝධා තමාට "සෑම විට ම පාහේ අවශ්‍ය වූ පන්නරය ලබා දුන් පුද්ගලයා" බවයි.
මේ අතර තවත් බොහෝ දෙනෙකු නිරෝධාගේ අකල් මරණය පිළිබඳව කම්පා වෙමින් සමාජ මාධ්‍ය ඔස්සේ සිය ශෝකය පළ කර ඇත.
දකුණු වේල්සයේ පොලිසිය මෙම ඝාතනය සම්බන්ධයෙන් තවදුරටත් විමර්ශන කටයුතු සිදු කරමින් සිටින අතර, මෙම සිදුවීම පිළිබඳ නව තොරතුරු ලැබෙන පරිදි වැඩිදුර විස්තර එළිදක්වනු ඇත.
(බීබීසී සිංහල වාර්තාව ඇසුරිනි)
Redirecting in a moment...
Tags:
News