මේ තෙල් හිඟයක් ගැන පැතිර යන කට කතා ගැන බලශක්ති අමාත්‍යාංශයෙන් සිදු කළ දැනුම් දීමක් ගැන ඇහෙන කතාවක්...
තෙල් හිඟයක් ගැන ව්‍යාජ ප්‍රවෘත්ති වලට නොරැවටෙන්න ලෙස බලශක්ති අමාත්‍යාංශය මහජනතාවගෙන් ඉල්ලා සිටිනවා.
නිවේදනයක් නිකුත් කරමින් එම අමාත්‍යාංශය සඳහන් කරන්නේ, මැද පෙරදිග යුද වාතාවරණය හේතුවෙන් මෙරට ඛනිජ තෙල් හිඟයක් ඇති විය හැකි බවට වන විවිධ ව්‍යාජ හා නොමඟ යවන සුළු පුවත් විශේෂයෙන් සමාජ මාධ්‍ය තුළ සංසරණය කරන බවක් නිරික්ෂණය වී ඇති බවයි.
ඉදිරි මාස දෙකකට අවශ්‍ය තෙල් තොග ලංකා ඛනිජ තෙල් සංස්ථාව සතුව ඇති බවත්, ඉදිරියට ඇනවුම් කරන ලද තෙල් තොග ගැටලුවකින් තොරට ලබා ගැනීමට අවශ්‍ය කටයුතු සැලසුම් කර ඇති බවත්, එබැවින් ව්‍යාජ පුවත්වලට නොරැවටෙන ලෙසත් එම අමාත්‍යාංශය මහජනතාවගෙන් ඉල්ලා සිටිනවා.
Tags:
News