අපිට එදිනෙදා සමාජයේදී අහන්න දකින්න ලැබෙන සංවේදී කතා එමටයි.. මේ කියන්න යන්නේ අන්න ඒ වගේ තවත් එක හිත පාරන කතාවක්..
තමන්ගේ පුතුගේ නිසල දේහය ළඟ අද ඔහු මොන තරම් හඬා වැටුණත් පළක් නැහැ.. මේ කියන්න යන්නේ මන්නාරම පැත්තෙන් අහන්න ලැබුණු අතිශ්‍යය සංවේදී කතාවක්..
මන්නාරම – නානාට්ටන් ප්‍රධාන මාර්ගයේ නරුවිලිකුලම් ප්‍රදේශයේදී පසුගියදා (10) සවස සිදු වූ අනතුරෙන් බරපතල තුවාල ලබා මන්නාරම දිස්ත්‍රික් මහ රෝහලේ ප්‍රතිකාර ලබන පියෙකු තම දරුවාගේ දේහය දකින අවසන් ඡායාරූපය මාධ්‍ය වෙත නිකුත් වී ඇති අතර, එය බොහෝ දෙනෙකු ශෝකයට පත් කරන දසුනක් බවට පත්ව තිබෙනවා..
මන්නාරම-නානාට්ටන් ප්‍රධාන මාර්ගයේ නරුවිලිකුලම් ප්‍රදේශයේ සිට නානාට්ටන් දෙසට යතුරුපැදියකින් ගමන් කරමින් සිටියදී, පෙරේදා (10) සවස පියෙකු, මවක්, පුතෙකු සහ දියණියක ඇතුළු සිව්දෙනෙකු මන්නාරම දෙසට ධාවනය වූ රථයක් යතුරුපැදියේ ගැටීමෙන් මෙම අනතුර සිදුවී ඇති අතර, එම අවස්ථාවේදී, යතුරුපැදියේ ගමන් කළ සිව්දෙනා – පියා, මව, පුතා සහ දියණිය බරපතල තුවාල සහිතව මන්නාරම දිස්ත්‍රික් මහ රෝහලට ඇතුළත් කරන තිබුණා…
කෙසේ වෙතත්, බරපතල තුවාල ලැබූ 4 හැවිරිදි පිරිමි දරුවා ප්‍රතිකාර කටයුතු ආරම්භ කිරීමටත් පෙර මිය ගිය ගොස් ඇති බවයි වාර්තා වුණේ..
බරපතල තුවාල ලැබූ පියා, මව සහ 12 හැවිරිදි දැරිය මන්නාරම දිස්ත්‍රික් මහ රෝහලේ හදිසි ප්‍රතිකාර අංශයේ ප්‍රතිකාර ලබන අතර, 12 හැවිරිදි දැරිය වැඩිදුර ප්‍රතිකාර සඳහා යාපනය රෝහලට මාරු කර යවා තිබුණා..
මෙම තත්ත්වය තුළ, 4 හැවිරිදි පිරිමි දරුවාගේ මරණය පිළිබඳව පියා නොදැන සිටි අතර, ඊයේ (11) ඔහුගේ පුතාගේ මරණය පිළිබඳ පුවත ඔහුට දැනුම්දී තිබෙනවා..
මෙම තත්ත්වය තුළ, බරපතල තුවාල ලබා නැගිටීමට හා ඇවිදීමට නොහැකිව ප්‍රතිකාර ලබන පියා, රෝහලේ සිටින තම අවුරුදු 4 ක පුතාට අවසන් ගෞරව දැක්වූ මොහොත සියල්ලන් සංවේගයට පත් කරන අවස්ථාවක් වුණා..
මියගිය පිරිමි ළමයාගේ දේහය රෝහලේ හදිසි ප්‍රතිකාර අංශයේ ප්‍රතිකාර ලබන ඔහුගේ පියාට පෙන්වන ලද අතර, අවසන් කටයුතු සඳහා ඥාතීන්ට භාරදී ඇති බවයි දැනගන්නට ලැබෙන්නේ..
