අපි බණ්ඩාරනායකපුර වැඩිහිටි නිවාසයට දානයක් දෙනවා. අපි එදා උදෙන්ම දානය සූදානම් කළා. පිරිවෙනේ ඉගෙන ගන්න මියගිය පුතා දානෙට උදවු කරන්න ඕනෑ කියා පිරිවෙන් ගියේ නැහැ. එයා දානය සූදානම් කරන්න ගොඩක් උදවු කළා. පසුව අපි ත්රීවීලරයක් අරගෙන දානය පිළිගන්වන්න වැඩිහිටි නිවාසෙට ගියා. මේ පුතා මෝටර් බයික් එකකින් වැඩිහිටි නිවාසෙට ආවා. එහෙ හිටිය වයසක අම්මා කෙනෙක් ඇහුවා බුලත් විට තියෙනවද කියලා. මේ පුතා “මම කඩෙන් ගේන්නම්”කියා මෝටර් සයිකලෙන් පාරට ගියා. ටික වෙලාවකින් දැනගන්න ලැබුණා පුතා අනතුරකට ලක්වෙලා කියලා. මමත් දුවලා ගියා. මිනිස්සු වටවෙලා හිටියා. එතැන හිටපු කට්ටිය මට ඒ තැනට යන්න දුන්නේ නැහැ. පසුව දැනගත්තා පුතා මියගිය බව.”
ගාල්ල උඩුගම පොලිස් බලප්රදේශයේ බණ්ඩාරනායකපුර ප්රදේශයේ දී පෙරේදා (09) සිදුවූ රිය අනතුරකින් මියගිය 16 හැවිරිදි පිරිවෙන් ශිෂ්යයාගේ මරණ පරීක්ෂණයේදී සාක්ෂි දුන් මියගිය අයගේ මව වන පතිරණ ආරච්චිගේ ලක්ෂ්මී සේපාලිකා (35) මහත්මිය එසේ කීවාය.
මෙසේ අවාසනාවන්ත ලෙස මියගොස් ඇත්තේ උඩුගම ගෝනදෙණිය අක්කර 72 ප්රදේශයේ පදිංචි නබදව විතානගේ කුෂාන් බිමාෂ ලක්ෂාන් නමැති උඩුගම විද්යාකීර්ති පිරිවෙනේ අධ්යාපනය ලබන සිසුවෙකි. ඔහු යටලමත්ත සිට උඩුගම දෙසට යතුරුපැදියෙන් යමින් සිටියදී උඩුගම සිට යටලමත්ත ප්රදේශයට ගමන් කරමින් තිබූ කුඩා ලොරියක ගැටීමෙන් මේ අනතුර සිදුවී ඇත. යතුරුපැදිය අධික වේගයෙන් පැමිණ ඇති බව පොලීසිය පවසයි. අනතුර සිදුවූ අවස්ථාවේදීම සිසුවා මියගොස් තිබූ බව පවසන පොලීසිය මෘත දේහය 1990 ගිලන් රථය මඟින් උඩුගම රෝහලට රැගෙන ගිය බවද සඳහන් කරයි. උඩුගම හදිසි මරණ පරීක්ෂක දයානන්ද උඩලමත්ත මහතා විසින් උඩුගම මූලික රෝහලේදී පවත්වන ලද හදිසි මරණ පරීක්ෂණයේදී සාක්ෂි දුන් මියගිය අයගේ මව වන පතිරණ ආරච්චිගේ ලක්ෂ්මී සේපාලිකා (35) මෙසේද කීවාය. “මට දරුවො තුන් දෙනෙක් ඉන්නවා. මේ මගෙ ලොකු පුතා. වැඩිහිටි නිවාසෙ අම්මා කෙනෙකුට බුලත් විටක් ගේන්න කියා මෝටර් සයිකලෙන් පාරට ගිය පුතාට මේ වගේ විපතක් වේවි කියා මම හීනෙකින්වත් හිතුවේ නැහැ. ගිහින් විනාඩි දෙකකට විතර පසුව දැනගත්තා පුතාට අනතුරක් වෙලා කියලා. මේ මරණය ගැන කිසිම සැකයක් නැහැ.”
මේ අකල් මරණය පිළිබඳව උඩුගම විද්යාකීර්ති පරිවේණාධිපති, ශාස්ත්රපති වදුරඹ ජිනරතන හිමියෝ මෙසේ කීහ. “මේ දරුවා හොඳ ගුණ යහපත් දරුවෙක්. ඉගෙන ගැනීමත් හොඳින් කළා. මරණය වූදාට කලින් දවසේ පිරිවෙනට ඇවිත් මගෙන් අවවාද අනුශාසනා ලබාගෙන අධ්යාපන කටයුතු කළා.”
උඩුගම මූලික රෝහලේදී මරණ පරීක්ෂණය පැවැත්විණි. හිසට, මොළයට සිදුවූ බරපතළ හානි හේතුවෙන් මේ මරණය සිදු වී ඇති බව උඩුගම හදිසි මරණ පරීක්ෂක දයානන්ද උඩලමත්ත මහතා විසින් තීරණය කරන ලදි.
✅✅✅✅✅✅✅✅✅✅✅✅✅