“අන්තිම සිංහල බෞද්ධ මනුස්සයා ජීවත් වෙනකන් උඹලා බඩගින්නේ ඉන්නේ නෑ ” මේ කතාව කියන්නෙ, බෙග් මාස්ටර් විසින් ඉෂාක් බෙග් හට.
ඒ කතාවේ හරය තේරුම් යන සුවිශේෂී කාර්‍යභාරයක් මේ දිනවල සිදුවෙනවා.
”ඉෂාක්ට කෝටියක්”
මේ කාර්යය නම් වෙලා තියෙන්නෙ එහෙම.
ඉෂාක් බෙග් මහත්මයා මේ වනවිට පසුවන්නේ, අසනීප තත්ත්වයෙන්. ඒ නිසාම, ඔහු වෙනුවෙන් කෙරෙන වැඩකටයුත්තක් තමයි මේ.
මෙය ශ්‍රී ලාංකේය ගායක ගායිකා සංගමයේ තවත් එක් මානුශීය මෙහෙවරක් සේ ම යුතුකමක්.
මේ වැඩෙත් එක්ක බොහෝමයක් කලා ශිල්පීන් එක්කාසුව ඉන්න අයුරු අපි දැක්කා.
ඒ අතර විශේෂයි, නවක ගායන තරු ද ඊට සහයෝගය දැක්වීම.
ඒ අනුව, ජනප්‍රිය ගායිකා හනා ෂෆා ද 50 000කින් සිය මූල්‍යමය සහයෝගය දක්වා තිබුණා. ඇය ශ්‍රී ලාංකේය ගායක ගායිකා සංගමයේ සිටින ළාබාලතම සාමාජිකාව වීම ද විශේෂයි.
එමෙන්ම ජනප්‍රිය ගායිකා ටෂ්නි ඇතුළු තවත් බොහෝ පිරිසක් මෙම කටයුත්තට සිය සහයෝගය දක්වා තිබුණා.
ඉෂාක් බෙග් මහත්මයා වෙනුවෙන් ඔබට ද සහයෝගය දැක්විය හැකිය.
ඒ අනුව ඔබේ උපකාරය ඉෂාක් බෙග් මහත්මයාට හිමි ගිණුමට පමණක් බැර කරන මෙන් ගායක ගායිකා සංගමය ඉල්ලා සිටිනවා.
✅✅✅✅✅