ඉන්දියාවේ පැවති 08 වන Òයොවුන් මිහිකත රූ රැජින – 2025” තරගාවලියට (Miss Teen Earth – 2025) ශ්රී ලංකාව නියෝජනය කරමින් සහභාගී වූ, මවිති පුන්සරණි මෙණවිය, එම තරගාවලියේ හොඳම දේශීය ඇඳුම් නිර්මාණයට (Best in National Costume) හිමිවන සම්මානය දිනා කටුනායක ගුවන්තොටුපොළ වෙත ඊයේ (11) පස්වරුවේ පැමිණියාය.
මෙම තරගාවලිය වයස අවුරුදු 20ට අඩු ලෝකයේ රටවල් 15ක රූ රැජිනියන් 15 දෙනෙකුගේ සහභාගීත්වයෙන් ඉකුත් 08/03 දින සිට 08/09 දින දක්වා ඉන්දියාවේ ජායිපූර් නුවර පවත්වා තිබුණි.
19 හැවිරිදි මවිති පුන්සරණි නිරූපන ශිල්පිනියකි ලෙස කටයුතු කරන අතර ඇය විසින් ඉදිරිපත් කළ දේශීය අනන්යතාවය පිළිඹිබු කෙරෙන මෙම ඇඳුම් නිර්මාණය සඳහා මෙම සම්මානය හිමි වී තිබේ.
මවිති ඊයේ පස්වරු 01.30ට ඉන්දියාවේ හයිද්රාබාද් නුවර සිට, ඉන්ඩිගෝ ගුවන් සේවයේ 6 ඊ. – 1181 දරන ගුවන් යානයෙන් කටුනායක ගුවන්තොටුපොළ වෙත පැමිණ තිබූ අතර ඇය පිළිගැනීම සඳහා යොවුන් මිහිකත රූ රැජින තරගාවලියේ ශ්රී ලංකා අධ්යක්ෂ සහ එහි ජාතික පුහුණුකරු රුක්මාල් සේනානායක, මවිතිගේ දෙමාපියන්, නැදෑ හිතවතුන් විශාල පිරිසක් ද කටුනායක ගුවන්තොටුපොළ වෙත පැමිණ සිටියහ.
කටුනායක – ටී.කේ.ජී. කපිල
Dinamina News