පාසල් ළමුන් ප්‍රවාහනය කළ වෑන් රථයක් සහ බස් රථයක් එකිනෙක ගැටී අනතුරක්...

පාසල් ළමුන් ප්‍රවාහනය කරන වෑන් රථයක් සහ පාසල් ළමුන් ප්‍රවාහනය කළ බස් රථයක් මුහුණට මුහුණ ගැටීමෙන් කොළඹ වොක්ෂෝල් වීදියේදී බිහිසුණු අනතුරක් සිදුව තිබෙනවා.

අනතුරින් තුවාල ලැබූ ළමුන් 13 දෙනෙකු රෝහල්ගතකර ඇති බවයි පොලීසිය පවසන්නේ.

ඉන් ළමුන් 10 දෙනෙකු රිජ්වේ ආර්යා ළමා රෝහලටත් ළමුන් තිදෙනෙකු කොළඹ ජාතික රෝහලටත් ඇතුළත් කර තිබෙනවා.

කොළඹ ප්‍රසිද්ධ කාන්තා විද්‍යාලයක ළමුන් පිරිසක් ප්‍රවාහනය කරමින් තිබූ වෑන් රථය ආරක්ෂක විද්‍යාලයේ ළමුන් ප්‍රවාහනය කරමින් තිබූ බස් රථයේ ගැටී මෙම අනතුර සිදුව තිබෙනවා.

අනතුරින් තුවාල ලැබූ වෑන් රථයේ රියදුරුද ප්‍රතිකාර සඳහා කොළඹ ජාතික රෝහලට ඇතුළත් කර තිබෙනවා.

අනතුර සම්බන්ධයෙන් මේ වනවිට බස් රථයේ රියදුරු අත්අඩංගුවට ගෙන ඇති අතර පොලීසිය වැඩිදුර විමර්ශන ආරම්භ කර තිබෙනවා.

✅✅✅✅✅✅

Auto Redirect Page