කොළඹ සිට වැලිමඩ දක්වා ධාවනය වූ බසයක ගමන් කිරීමේදී නින්ද ගොස් මහ රාත්රියේ වැරැදි ප්රදේශයක බැස්ස අයෙකුට සොරකු යැයි සිතා ගම්වාසින් විසින් පහරදී එය වීඩියෝ කර සමාජ මාධ්යයේ දැමීම නිසා ලජ්ජාවට පත් අයකු ගෙල වැලලාගෙන සියදිවි නසාගෙන ඇතැයි පුස්සැල්ලාව පොලීසිය පවසයි.
මිනිසුන්ගේ වැරදි ක්රියා නිසා මෙසේ ජීවිතයට සමුදී ඇත්තේ රොච්චයිල් වත්ත වයි.ආර්.සී. කොටසේ පදිංචි රාමචන්ද්රං පුවනේස්වරන් (මුරලි) නමැති තිස් හතර හැවිරිදි අවිවාහක අයකි.
මොහුගේ මව හා පියා මියගොස් ඇති අතර, එකම සහෝදරිය විවාහ වී පිට ප්රදේශයක පදිංචියට යාම සමඟ මොහුද රැකියාවක් සොයා කොළඹ ප්රදේශයට ගොස් ඇති බව අනාවරණය වී ඇත.
තනිව ජීවත්වන මොහු නිවාඩුවක් ලද විගස රොච්චයිල් වත්ත සිය නිෙවසට පැමිණීමද සිදු කර ඇත්තේ සිය නෑයන් හා යහළුවන් හමුවීමටය.
මේ ආකාරයට පසුගිය 6 දින රාත්රියේ කොළඹ සිට පැමිණ ඇති මොහුට බසයේ නින්ද යාම නිසා බැසීමට තිබූ රොච්චයිල් වත්ත ප්රදේශය පසුකොට බොහෝ දුරක් ගොස් නුවරඑළිය මාර්ගයේ රම්බොඩ ප්රදේශයේදී ඇහැරී බසයෙන් බැස තිබේ.
ඒ වන විට රාත්රී දෙක පමණ වී තිබීම හා යළි නිෙවසට යාමට බසයක් නොමැති නිසා රම්බොඩ ප්රදේශයේ ආර්.සී. කොටසේ සිටින තම මවගේ නැඟණිය. (පුංචි අම්මාගේ) නිෙවස මතක් වී ඒ සඳහා යාමට පිටත්ව තිබේ.
වසර ගණනාවකින් එම නිෙවසට ගොස් නොමැති මොහුට රාත්රියේ මාර්ගය අමතක වීම නිසා හමුවූ නිෙවසක දොරට තට්ටු කර ඇත්තේ එම ඉසව්ව සොයාගැනීම සඳහාය. නමුත් එම නිවැසියන් මෙන්න හොරෙක් ගෙට ආවයි කෑගැසීම නිසා අවට පදිංචිකරුවන් පැමිණ මොහු අල්ලා බැඳ පහර දී තිබේ.
තමාට සිදුවූ අකරතැබ්බය කියා සිය පුංචි අම්මා හා බාප්පා ගැන කියූ පසු මෙම පිරිස ඔවුන්ද මෙම ස්ථානයට කැඳවා තිබේ. එම බාප්පා හා ඔහුගේ පුතුන් දෙදෙනා එම ස්ථානයට පැමිණියද අල්ලාගෙන සිටින පුද්ගලයා හඳුනන්නේ නැති බව පැවසීම නිසා මේ පිරිස මොහුට තවත් පහර දී කොත්මලේ පොලීසියට භාරදී තිබේ.
කොත්මලේ පොලීසිය මොහුගේ අනන්යතාව හෙළි කරගෙන මොහු පැවසූ බාප්පා හා පුංචි අම්මා මොහුගේ ඥාතීන් බවද හඳුනාගෙන පසුව රොච්චයිල් ප්රදේශයේ ඥාතීන් හා යහළුවන් කැඳවා මොහු පිළිබඳව වෛද්ය පරීක්ෂණයක්ද කොට සොරකමක් අනාවරණය නොවූයෙන් පොලිස් ඇප දී ඥාතීන්ට භාරදී තිබේ.
ඒ අනුව මොහුගේ මිතුරන් ත්රිරෝද රථයකින් මොහු යළි ගමට ගෙනයන අතරතුර මොහු දැඩි කලකිරීමට පත්ව සිටි බව පැවසේ. ඒ පිළිබඳව අදහස් දැක්වූ ඔහුගේ මිතුරු දිලිප් කුමාර මෙසේ පැවසීය.
මුරලි රට ගිහිල්ලත් අවුරුදු හතක් විතර ඉඳලා ආව කෙනෙක්. මෙයාගේ තාත්තාගේ මළ ගෙදරට රට ඉඳලා ආවට පස්සේ ආයේ රට ගියේ නෑ. එයා බැන්දෙත් නෑ. තනිවම තමයි හිටියේ. කොළඹ වැඩට ගිහින් එනකොට තමයි මේ දේ වුණේ. එයාට මිනිස්සු ගහලා වීඩියෝ කරලා මුහුණුපොතේ දැම්ම නිසා එයා ගොඩක් දුක් වුණා. ලජ්ජාවට පත්වෙලා හිටියා. මම නිකම්ම හොරෙක් වෙලා රටටම ගියා කියලා එයා ලජ්ජාවට පත්වෙලා හිටියේ.
ලජ්ජාව නිසා මම මොනවා හරි කරගන්නවා කිවුවා. ඒත් අපි හිතුවේ නෑ මෙහෙම දෙයක් කර ගනී කියලා. මිනිස්සු හැමදේම ෆේස්බුක් දාන නිසා නිවැරදි අයත් වැරදිකාරයෝ වෙනවා. කොත්මලේ පොලිස් ස්ථානාධිපති වජිර රත්නායක මහතාද පැවසුවේ මොහු හොරෙකු බව පරීක්ෂණවලින් හෙළි නොවුණු නිසා පොලිස් ඇප දුන් බවයි.
කොත්මලේ හදිසි මරණ පරීක්ෂක ජිනදාස මහතාද සිද්ධිය වූ ස්ථානයට පැමිණ සිටි අතර පශ්චාත් මරණ පරීක්ෂණය සඳහා සිරුර ගම්පොළ රෝහල වෙත යැවීමටද පියවර ගනු ලැබීය. එම පරීක්ෂණය ඊයේ (8) සිදුකිරීමට නියමිතව තිබුණි.
ගම්පොළ – සුරංග දිල්හාන්